Reynslusögur

ZenStonesa

 ~ Ert þú ert tilbúin að deila reynslu þinni af Bowen – öðrum til fróðleiks – hvernig það hefur hjálpað þér ~

Sendu okkur tölvupóst á:  vendipunkturinn@vendipunkturinn.is
og við munum sjá um að koma því inn á síðuna.  Aðeins verða settar inn þær upplýsingar sem þú vilt sjálf / ur að komi fram.

~~~~~~~~~~~~~~~~~~~~~~~~~~~~~~~~~~~~~~~~~~~~~

Síðustu 2 daga hef ég legið í rúminu, hálf farlama og vælandi af sársauka, bryðjandi parkódín eins og sælgæti.  Í morgun vaknaði ég eins og ný manneskja, nánast verkjalaus og hef ekki tekið EINA verkjatöflu í dag 🙂 Þökk sé Rut Kristjánsdóttur í Vendipunktinum 😀 Jújú ég er enn með hausverk og hálsbólgu og hálfóglatt en bakið er allt annað og þvílíkur léttir sem það er 🙂 Ég ♥ Bowen

                                                                                                                                                                                                              Guðrún Eik Skúladóttir

        ~ Þetta er reynslusaga skjólstæðings eftir aðeins eitt skipti í Bowen meðferð ~

~~~~~~~~~~~~~~~~~

Unglingsstelpa sem æfir handbolta reglulega fór að finna fyrir einkennum beinhimnubólgu eftir hlaupaæfingar.  Var meðhöndluð tvisvar með viku millibili ásamt fyrirlögðum teygjum fyrir kálfavöðva og framan á sköflungi.  Öll einkenni beinhimnubólgu horfin og hafa ekki komið aftur á þó nokkrir mánuðir séu liðnir frá síðustu meðferð.

                                                                                                                                                                                                                          R.K.

~~~~~~~~~~~~~~~~~~~~~

Dóttir mín (9vikna) fór fljótlega að sýna einkenni ungbarnakveisu eftir að hún fæddist og var nánast hægt að segja að frá kl. 19-24 hafi verið handleggstími þar sem lítið huggaði hana annað en að vera á handlegg og þá helst á labbinu.
Þess utan virtist hún ansi vansæl og uppþembd. Eftir aðeins eitt skipti af Bowen fann ég stóran mun á henni. Hún er mun værari og virðist líða almennt betur.
Hún er farin að sofa betur bæði á daginn og næturna og á mun auðveldara með að koma frá sér lofti og hægðum. Núna tveim meðferðum seinna er daman alsæl með lífið en það er ómetanlegt fyrir nýbakaða foreldra að fá lausn á slíku vandamáli sem við upplifðum ekki viðráðanlegt fram að þessu. Ég mæli hiklaust
með Rut og mun bera orðið áfram þar sem margar vinkonur mínar eru í barneign.

                                                                                                                                                                                                                        Inga Aronsdóttir.

~~~~~~~~~~~~~~~~~~~~~~~~~


Reynslusagan mín af Bowen:

Það var fyrir tæpu einu og hálfu ári síðan að ég byrjaði í Bowen meðferð hjá Rut. Árið 2008 greindist ég með stórt brjósklos í mjóbakinu. Eftir marga sársaukafulla mánuði gekk það til baka. Þó brjósklosið hafi gengið til baka átti ég það til að stífna mjög upp í bakinu við minnsta tilefni og þurfti oft ekki mikið meira en smá álag til þess að það gerðist.

 Ég byrjaði að fara í þrjá tíma í röð með viku millibili og hef síðan haldið áfram með sex vikna millibili til að halda viðhalda árangrinum við. Það er alveg mögnuð upplifunin sem ég hef reynt í gegnum Bowen. Í upphafi fór ég aðeins til að halda bakinu góðu en hefur komið skemmtilega á óvart hvað margt annað í líkama mínum hefur færst í rétt horf.
Enginn verður svikin af því að prófa Bowen og Rut fær svo sannarlega mín allra bestu meðmæli, hún er að mínu mati mjög hæf og hefur þægilega og góða nærveru. 

                                                                                                                                                                                                                                                                                                                                                                                                                                                                                                                      Sigríður Pálsdóttir.

Leave a Reply